Har Ek Baat Kisi Baat Par Hai Goya Tanz

Poet

har ek baat kisi baat par hai goya tanz

miri zaban miri zaat par hai goya tanz

na vo ḳhulus ki garmi na valehana-pan

kisi se milna mulaqat par hai goya tanz

nigah-e-adam-e-ḳhaki ki vus.aton ka bayan

tamam arz-o-samavat par hai goya tanz

ajiib shaḳhs hai us ki bas ek ḳhamoshi

zamane bhar ki ḳhurafat par hai goya tanz

kisi ke haath pe bai.at na kar saka main ‘nadim’

so apna haath mire haat par hai goya tanz