Ajnabi Sa Ek Sitara Hun Main Sayyaron Ke Bich

ajnabi sa ik sitara huun main sayyaron ke biich

ik juda kirdar huun apne hi kirdaron ke biich

phir rahi huun be-sabab pagal hava si ja-ba-ja

dhund men lipte hue khamosh kohsaron ke biich

is hisar-e-khak ko jab tod kar niklungi main

DhunDte rah jaoge tum mujh ko divaron ke biich

kuchh kade takrao de jaati hai aksar raushni

juun chamak uthti hai koi barq talvaron ke bech

shakl ye behtar hai lekin pukhtagi ke vaste

aao miti ko rakhen kuchh der angaron ke biich

Leave a Comment