Qaisar Siddiqi
tere lahje ka tiri baat ka a.ina hai
mera har sher tiri zaat ka a.ina hai
teri zulfon ke machalte hue savan ka saman
mere mahke hue jazbat ka a.ina hai
mere chehre ko zara ghaur se dekho to sahi
mera chehra mire halat ka a.ina hai
lahlahati hui bharpur javani teri
gungunati hui barsat ka a.ina hai
ai miri jan-e-ghazal ai miri shahnaz-e-ghazal
tera naghma mire jazbat ka a.ina hai
Leave a Reply