Poet
zarra zarra hai ise mehr-e-munavvar na kaho
qatra har haal men qatra hai samundar na kaho
but-e-tannaz ko iḳhlas ka paikar na kaho
dushman-e-mehr-o-vafa ko fan-e-azar na kaho
kahin phuTi hai kabhi un se vafa ki ḳhushbu
lab-e-ma.ashuq ko auraq-e-gul-e-tar na kaho
rang aur nasl ki tafriq miTane ke liye
maslahat hai ise behtar use kamtar na kaho
gham ki jab aanch lagegi to pighal ja.ega
dil to ik shisha hai is shishe ko patthar na kaho
saath taqdir ke tadbir zaruri hai ‘habab’
bigḌe halat ko tum apna muqaddar na kaho
Leave a Reply