Poet
zard patton pe mira naam likha hai us ne
sabz ḳhvabon ka ye anjam likha hai us ne
koi milta nahin jo paḌh ke suna de mujh ko
barg-e-gul par koi paigham likha hai us ne
sach hai tanha.i men insan sanak jaata hai
roz-e-raushan ko siyah-fam likha hai us ne
mehr-o-mah diip hua abr samundar ḳhushbu
kis ki taqdir men aram likha hai us ne
sar uchhalte hain zaban kaTti hai jis men ‘anjum’
mere zimme vahi ik kaam likha hai us ne
Leave a Reply