shabnam-shakeel

hamrah mere koi musafir na chala tha

hamrah mire koi musafir na chala tha

dhoka mujhe khud apni hi aahat se hua tha

masdud hui jis ki har ik rah-e-sarasar

is saf men mujhe la ke khada kis ne kiya tha

jumbish hi se honton ki jo kuchh samjho to samjho

is gung-mahal men to bas itna hi rava tha

taamir hue ghar to gae jaane kahan vo

jin khana-ba-doshon ka yahan khema laga tha

dhundlae khad-o-khal gar us ke to ajab kya

dekhe hue yuun bhi use yug biit gaya tha

shab shoala-ba-daman to sahar sokhta-saman

do ruup badalta tha ajab vo bhi diya tha

More Poems

Leave a Comment