aazim-kohli

Zarf Hai Kis Mein Ki Wo Sara Jahan Le Kar Chale

zarf hai kis men ki vo saara jahan le kar chale

ham to duniya se faqat ik dard-e-jan le kar chale

aadmi ko chahiye taufiq chalne ki faqat

kuchh nahin to guzre vaqton ka dhuan le kar chale

jab baharen bevafa niklen to kis ummid par

intizar-e-gul ki hasrat baghban le kar chale

kab muqaddar ka kahan kaisa koi manzar bane

ham hatheli par lakiron ke makan le kar chale

rahbari ka kuchh saliqa hai na manzil ki khabar

kaun si janib ye mir-e-karvan le kar chale

dekhte hain zindagi ko apne hi andaz se

ham jidhar ko chal pade ik dastan le kar chale

zulmaten tarik shab ki duur karne ke liye

badalon se ham ai ‘azim’ bijliyan le kar chale

More Poems

Leave a Comment