chandni shab hai sitaron ki rida.en si lo
iid aa.i hai baharon ki rida.en si lo
chashm-e-saqi se kaho tishna umidon ke liye
tum bhi kuchh bada-gusaron ki rida.en si lo
har baras sozan-e-taqdir chala karti hai
ab to kuchh sina-fagaron ki rida.en si lo
log kahte hain taqaddus ke subu TuTenge
jhumti rah-guzaron ki rida.en si lo
qulzum-e-ḳhuld se ‘saghar’ ki sada aati hai
apne be-tab kinaron ki rida.en si lo
Leave a Reply