pasheman hain tark-e-mohabbat ke ba.ad
baḌhin uljhanen aur fursat ke ba.ad
abhi to qayamat ka hai aasra
ḳhuda jaane kya ho qayamat ke ba.ad
ye husn-e-ḳhulus-e-shikayat baja
magar kya rahega shikayat ke ba.ad
vo har baar milte hain is shaan se
mile jis tarah koi muddat ke ba.ad
mohabbat se pahle ye aalam na tha
kahan aa ga.e ham mohabbat ke ba.ad
‘ravish’ ye ḳhush-ahang rang-e-ghazal
dil-avez hai rang-e-hasrat ke ba.ad
Leave a Reply