sach kah ‘raza’ ye kis se laga.i hai saT-baT
kuchh phir hai in dinon men tira ji nipaT uchaT
dekhenge kyuun ke chashmon se jaate rahoge tum
laḳht-e-jigar ki chauki bi.Tha.i hai ghaaT ghaaT
TukḌe chune hain dil ke jo a.ankhon ke ḳhvan hain
hai kis ke mehmani ka ai marduman ye ThaaT
apni gali ke aane se mujh ko na man.a kar
bad-nam ho ge band karega jo raah baaT
us chashm-o-dil ne kahna na maana tamam umr
ham par ḳharabi laa.i ye ghar hi ki phuT-phaT
rahne de apni bazm men kuchh bolun main agar
manind-e-sham.a phir vahin meri zaban ko kaaT
ab is gali men aata jo hai har ghaḌi ‘raza’
kuchh to mili hai vaan se tujhe meri baaT chaaT
Leave a Reply