Zard Patte Ki Tarah uDta Hua Jata Hai

zard patte kī tarah uḌtā huā jaatā hai

din mirā jaane kahāñ bikhrā huā jaatā hai

sub.h utrī hai to aflāk se aalam kā hujūm

jism kī qaid meñ pachhtātā huā jaatā hai

sāneha jo bhī janam letā hai lamha lamha

ḳhāna-e-dil se mire hotā huā jaatā hai

do ghaḌī baiTh mujhe aañkh meñ bhar lene de

surḳh kyoñ chāñd sā ye chehra huā jaatā hai

daur-e-nau-roz se har roz suhūlat pā kar

aadmī pahle se bhī tanhā huā jaatā hai

Leave a Comment