Poet
jo mar gae tiri chashm-e-siyah ke maare
na hashr ko bhi uthenge nigah ke maare
misal-e-barg-e-khizan sarsar-e-firaq se aah
patakte phirte hain sar ham tabah ke maare
azizo dil na do yusuf ki kar ke chaah kabhi
ki ja ke chaah men girte hain chaah ke maare
ilahi hashr men avaz-e-sur sun kyunkar
uthunga aah main bar-e-gunah ke maare
hazar kar ah-e-dil-e-natavan se ai zalim
ki koh tal gae hain barg-e-kah ke maare
na samjhiyo ki falak par sitare hain raushan
hain rakhna-dar mire tir-e-ah ke maare
bisan-e-naqsh-e-qadam tere dar se ahl-e-vafa
uthate sar nahin hargiz tabah ke maare
ujad gae khirad-o-sabr-o-hosh-o-tab-o-tavan
usi ke naz-o-ada ki sipah ke maare
jahan-e-dil ai ‘jahandar’ ek din na basa
jafa-e-shah-e-taghaful-shiar ke maare
Leave a Reply