aghaz hua hai ulfat ka ab dekhiye kya kya hona hai
ya saari umr ki rahat hai ya saari umr ka rona hai
shayad tha bayaz-e-shab men kahin iksir ka nuskha bhi koi
ai sub.h ye teri jholi hai ya duniya bhar ka sona hai
tadbir ke hathon se goya taqdir ka parda uthta hai
ya kuchh bhi nahin ya sab kuchh hai ya miti hai ya sona hai
tuute jo ye band-e-hayat kahin is shor-o-shar se najat mile
maana ki vo duniya ai ‘afsar’ sirf ek lahad ka kona hai
Leave a Reply