aap sultan hua kiije gada ham bhi nahin
is qadar to ga.e-guzre ba-ḳhuda ham bhi nahin
ab ana ko kare sajda to mohabbat hi kare
jab.ha-sa aap nahin nasiya-sa ham bhi nahin
ja.iye ja.iye mat dekhiye muḌ kar pichhe
aise shauqin-e-jafa ḳhar-e-vafa ham bhi nahin
chara-e-sarkashi-e-dil karen allah allah
vo ḳhuda banda-navaz aap to kya ham bhi nahin
dosti dushmani ab aap nibha.en to nibha.en
ham ko rabt aap se aisa koi baham bhi nahin
mehrban aap bhi hain aur bhi honge lekin
chahte to dil-e-nadan ka bura ham bhi nahin
laakh laila.en umaD aa.en ghazal par ‘rahil’
aḳhir is dasht ki avara sada ham bhi nahin
Leave a Reply