qatl pe tere mujhe kad chahiye
ḳhuub hai ye apne ka bad chahiye
zulf ke kuchon ki darazi na puchh
chalne ko vaan umr-e-abad chahiye
dil ki main karta nahin jhuTi salah
maal hai sarkar ka jad chahiye
fauj ki hai ashk ki halat tabah
aah se is vaqt madad chahiye
shaiḳh ki izzat hai min-al-vahiyat
kafash na hove to lakad chahiye
pashm hai yaan masnad-e-qaqum ka farsh
ghar men faqiron ke namad chahiye
pasrav-e-ahmad ho ki marna hai kal
raah na diida ko balad chahiye
ham se ye kya na-ḳhush o ‘qa.em’ se ḳhush
jo ho miyan hissa rasad chahiye
Leave a Reply