zakhm shadab dekhte hain mujhe
dard betab dekhte hain mujhe
khvab dekhe the tuut kar main ne
tuut kar khvab dekhte hain mujhe
dagh-e-dil zau-fishan hue yuun ki
shams o mahtab dekhte hain mujhe
khul gaya ho na dosti ka bharam
dar ke ahbab dekhte hain mujhe
ik tanav sa apne-ap se hai
khinch ke aasab dekhte hain mujhe
mujh men shaer to aur hai ‘pinha’
aur arbab dekhte hain mujhe
Leave a Reply