Sirf Apne Talak Hi Rakha Jaega

sirf apne talak hī rakhā jā.egā

dukh ko sanjīdgī se liyā jā.egā

ba.ad meñ ghar kā paanī ulīcheñge ham

pahle tuġhyāniyoñ se laḌā jā.egā

jald us paar pahuñcheñge ham bhī agar

naav meñ ek hī nāḳhudā jā.egā

aaj mahfil meñ aa.e haiñ chup zaat log

is kā matlab bahut kuchh kahā jā.egā

an-sunā kar rahā hai zamāna hameñ

ḳhāmushī meñ izāfa kiyā jā.egā

Leave a Comment