Hina Abbas
har ek shab ke guzarne pe muskurati hai
ye zindagi yuun mujhe hausla dilati hai
tumhare hathon ne thama hai jab se haath mira
har ek samt se ThanDi hava hi aati hai
jidhar bhi ja.un kisi samt bhi chalun chahe
hai jo bhi raah mujhe tum se hi milati hai
sunenge tujh ko bhi gar mil ga.i hamen fursat
tu itna shor kyuun ai zindagi machati hai
zamane bhar men mire aib uchhalne vaale
tiri ye baat mujhe har ghaḌi rulati hai
agarche der hui manzilon ko paane men
‘hina’ har ek qadam azm se uThati hai
Leave a Reply