chand dhire se muskuraya hai
chand ko kaun yaad aaya hai
khvab men bhi nazar nahin aaya
raat jis ne mujhe jagaya hai
ham nahin aae to gila kaisa
aap ne kab hamen bulaya hai
jo likha hi nahin gaya mujh se
dil ne vo giit gungunaya hai
tu ne mujh ko bana diya insan
main ne tujh ko khuda banaya hai
tum se mil kar main us ko bhuul gaya
jis ne tum se mujhe milaya hai
thair kar dekh to zara ‘momin’
main nahin huun ye tera saaya hai
Leave a Reply