jaane kis chaah ke kis pyaar ke gun gaate ho
raat din kaun se dildar ke gun gaate ho
ye to dekho ki tumhen luut liya hai us ne
ik tabassum pe kharidar ke gun gaate ho
apni tanhai pe nazan ho mire sada-mizaj
apne suune dar o divar ke gun gaate ho
apne hi zehn ki takhliq pe itne sarshar
apne afsanvi kirdar ke gun gaate ho
aur logon ke bhi ghar hote hain ghar vaale bhi
sirf apne dar o divar ke gun gaate ho
Leave a Reply