november ki vahi sardi mubarak
tumhen is rabt ki barsi mubarak
mubarak ho tire hathon ko mehndi
hamari aankh ko surḳhi mubarak
agar duniya hi thi ḳhvahish tumhari
chalo to phir tumhen vo hi mubarak
zamane bhar ka ho kar rahne vaale
tujhe rishton ki asani mubarak
havale ḳhud ko tum ne kar diya is
na.e mallah ko kashti mubarak
makan men phir makin badle ga.e hain
makan ko phir na.i taḳhti mubarak
Leave a Reply