Waseem Barelvi

Apne Andaz Ka Akela Tha

apne andaz ka akela tha

is liye main bada akela tha

pyaar to janm ka akela tha

kya mira tajraba akela tha

saath tera na kuchh badal paaya

mera hi rasta akela tha

bakhshish-e-be-hisab ke aage

mera dast-e-dua akela tha

teri samjhaute-baz duniya men

kaun mere siva akela tha

jo bhi milta gale laga leta

kis qadar aaina akela tha

Leave a Comment