phal hai us but ki ashna.i ka
mujh ko da.ava hai ab ḳhuda.i ka
na laḌao nazar raqibon se
kaam achchha nahin laḌa.i ka
asman par nahin hilal numud
na.al hai teri zerpa.i ka
gul men thi is qadar kahan surḳhi
aks hai panja-e-hina.i ka
kis sitamgar se tu ne ai kafir
tarz sikha hai dilruba.i ka
chadar-e-asman hazir ho
tu jo astar kare raza.i ka
vaqt kya aa gaya hai sad-afsos
bhaa.i dushman hua hai bhaa.i ka
go barahman pisar vo qatil hai
dil mila hai magar qasa.i ka
kuchh mira hi nahin vo but ma.abud
ba-ḳhuda hai ḳhuda ḳhuda.i ka
‘sehr’ kya us ne kar diya jaadu
mujh ko da.ava tha parsa.i ka
Leave a Reply