Sahartab Roomani
ḳhamushi se kaho zara ḳhamosh
sun raha hai mira ḳhuda ḳhamosh
ek main hi tha bolne vaala
vo bhi tu ne kara diya ḳhamosh
kar rahi thi kalam ḳhamoshi
is liye hona paḌ gaya ḳhamosh
main ne dekha hai log hote hain
us se kar ke mukalima ḳhamosh
zindagi ki yahi kahani hai
ibtida shor intiha ḳhamosh
guftugu karni thi mujhe lekin
main tiri bazm se uTha ḳhamosh
karb hi karb sah raha huun main
paanv zanjir rasta ḳhamosh
Leave a Reply