Ashu Mishra
qadmon ka rah-e-dil pe nishan koi nahin tha
muddat se yahan gasht-kunan koi nahin tha
tujh ko to mire dost hai tanha.i mayassar
main ne vahan kaaTi hai jahan koi nahin tha
vaise to bahut bhiiḌ thi is ḳhana-e-dil men
lekin mire matlab ka yahan koi nahin tha
koi bhi nahin tha jise ham dil ki sunate
koi bhi nahin tha miri jaan koi nahin tha
tu chhoḌ gaya tab bhi ziyan koi nahin hai
tu saath bhi hota to ziyan koi nahin tha
tu vahm tha mera ki koi Duub raha hai
tu sach men sar-e-ab-e-ravan koi nahin tha
Leave a Reply