Neelam Malik
nafi ko yuun isbat karo
ḳhatm tum apni zaat karo
duniya se jab milne jaao
pahle ḳhud se baat karo
din bhar mere saath rahe
ḳhud men basar ab raat karo
raat ki zulf sanvar jaa.e
hijr ko gar mashshat karo
naam mira dil par likhvao
dhaḌkan ko ḳhattat karo
mujh par aise pyaar luTao
sagar par barsat karo
baat hai mere baare men
lahje ko mohtat karo
jab bhi suḳhan-e-bisat bichhe
har shatir ko maat karo
umr ki punji ḳhatm na ho
kam kuchh iḳhrajat karo
ain ka amrit chakhne ko
tark sabhi lazzat karo
Leave a Reply