Shahida Lateef
koi panchhi uḌaan men bhi nahin
tiir us ki kaman men bhi nahin
zabt karne ki ḳhu nahin us men
hausla us ke maan men bhi nahin
dhuup itni hai gham ke sahra men
saaya is sa.eban men bhi nahin
naqsh bar-ab ho gaya har aks
koi paikar chaTan men bhi nahin
ek din ajnabi milenge ham
hadisa ye guman men bhi nahin
jitna tarik dil hai tere baghair
ye andhera jahan men bhi nahin
Leave a Reply