Kafeel Aazar Amrohvi
jaate jaate ye nishani de gaya
vo miri ankhon men paani de gaya
jagte lamhon ki chadar oḌh kar
koi ḳhvabon ko javani de gaya
mere hathon se khilaune chhin kar
mujh ko zaḳhmon ki kahani de gaya
hal na tha mushkil ka koi us ke paas
sirf va.ade asmani de gaya
ḳhud se sharminda mujhe hona paḌa
aa.ina jab mera saani de gaya
mujh ko ‘azar’ ik fareb-e-arzu
ḳhub-surat zindagani de gaya
Leave a Reply