Syed Kashif Raza
ik roz ye sar-rishta-e-idrak jala duun
ai ishq tiri vahshat-e-saffak jala duun
ho bas men jo mere to tira naam bhi miT jaa.e
main kar ke tujhe ḳhaak tiri ḳhaak jala duun
siine men ulajhti hai rag-e-dil se rag-e-dil
ai ishq hava de ḳhas-e-namnak jala duun
tasir men kam ho to karun sher ko bhi aaq
atish men jo kam ho vo rag-e-tak jala duun
nazzara koi yuun bhi na mahram ho ki ‘kashif’
ankhon ko sar-e-jalva-e-bebak jala duun
Leave a Reply