Main Roz-E-Hijr Ko Barbaad Karta Rahta Hun

maiñ roz-e-hijr ko barbād kartā rahtā huuñ

shab-e-visāl hī ko yaad kartā rahtā huuñ

merī ye uñgliyāñ key-pad par thiraktī haiñ

ḳhayāl ke parind āzād kartā rahtā huuñ

maiñ apne chāhne vāloñ se kyā kahūñ ki unheñ

na chāhte hue nāshād kartā rahtā huuñ

faqat duā.eñ mirī dastaras meñ haiñ so maiñ

faqat duāoñ kī imdād kartā rahtā huuñ

aur is tarah se mirī shab guzar bhī jaatī hai

sahar ko shaam se irshād kartā rahtā huuñ

Leave a Comment