aur mahak thi jo us baagh ki ghaas men thi
us ke paanv ki ḳhushbu bhi us baas men thi
tujh barish ne tan phulon se bhar Daala
ḳhali shaḳh thi aur is rut ki aas men thi
tu ne aas dilai mujh ko jiine ki
main to sansen leti mitti yaas men thi
yaad to kar vo lamhe vo raten vo din
main bhi tere saath usi ban-bas men thi
har pal tere saath thi main kab duur rahi
main ḳhushbu thi aur tire ehsas men thi
barish thi shab-bhar aur bhiig rahi thi main
‘janan’ kaisi shiddat meri pyaas men thi