mire nuqush tire zehn se miTa dega
mira safar hi mire fasle baḌha dega
andheri raat hai is tund-ḳhu se mat kahna
vo raushni ke liye apna ghar jala dega
main us ka sab se huun pyara magar bichhaḌte hi
vo sab ko yaad karega mujhe bhula dega
bana hua huun main mujrim baghair jurm kiye
ab aur kya mira munsif mujhe saza dega
ugaya jis ne hai banjar zamin men tujh ko ‘nasim’
hai kya ba.iid ki vo phuul bhi khila dega
Leave a Reply