aks par yuun aankh Daali jaegi
samne ki chot ḳhali jaegi
ye qayamat bhi nikali jaegi
us gali se kha ke gaali jaegi
kaabe men botal khule mauqa kahan
zamzami se aaj Dhali jaegi
gul to kya hain ta-qafas ai bad-e-tund
patta patta Daali Daali jaegi
bazm-e-saqi men agar laghzish hui
haath se mai ki pyali jaegi
gudgudane ko kaf-e-pa dil ke saath
arzu-e-paemali jaegi
va dar-e-tauba hai to jaldi hai kya
baat bigdi kuchh bana li jaegi
murda koi aarzu is dil men hai
kah gae vo jaan Daali jaegi
mai-kade ham ghar se jaenge ‘riyaz’
ek botal saath ḳhali jaegi