miri zaban ki ibarat hai guftugu teri
mire fasane ka unvan hai aarzu teri
abas ki mujh pe hai ilzam-e-ḳhud-faramoshi
haram se der men laa.i hai justuju teri
fareb-e-nik.hat-e-gul se bacha ke daman-e-dil
zaban-e-ḳhar se sunta huun guftugu teri
hijab men bhi tujhe be-hijab dekh liya
har ek phuul men chehra tira hai bu teri
zamana talib-e-didar hota jalva-e-naz
bachi hai tuur ke jalne se aabru teri
raha na parda salamat jamal-e-parda-nashin
gulon ne khinch li tasvir hu-ba-hu teri
gharaz hai dair se mujh ko na fikr ka.abe se
main apne aap men karta huun justuju teri
jo dekha ramz ki ankhon men baad marne ke
khinchi thi putli men tasvir hu-ba-hu teri
Leave a Reply