Asghar Gondvi
ishq hai ik kaif-e-pinhani magar ranjur hai
husn-e-be-parda nahin hota magar dastur hai
ḳhastagi ne kar diya us ko rag-e-jan se qarib
justuju zalim kahe jaati thi manzil duur hai
le isi zulmat-kade men us se mahrumi ki daad
us se aage ai dil-e-muztar hijab-e-nur hai
lab pe mauj-e-husn jab chamke tabassum naam ho
rabbi-areni kah ke chiḳh uThun tu barq-e-tur hai
nuur ankhon men usi ka jalva ḳhud nur-e-muhit
diid kya hai kuchh talatum men hujum-e-nur hai
aankh hai jab mahv-e-hairat to numayan hai vahi
fikr ho jab kar-farma to vahi mastur hai
dekhta huun main ki hai bahr-e-haqiqat josh par
jo hubab uTh uTh ke miTta hai sar-e-mansur hai
Leave a Reply