Syed Yasir Gilani
maut se to be-ḳhabar hai zindagi
ḳhvahishon ka ik nagar hai zindagi
maut raqsan ek hi dar pe magar
bain karti dar-ba-dar hai zindagi
gar mavaddat hai jo ahl-e-bait se
javedan hai be-zarar hai zindagi
chhoḌ kar jab se gaya hai vo mujhe
DhunDhta huun main kidhar hai zindagi
kuchh gire hain paat kuchh phuTe na.e
maut ki har shaḳh par hai zindagi
be-ruḳhi se baat karna maut hai
ḳhidmat-e-madar-pidar hai zindagi
ya-nabi salle-ala kahte raho
mid.hat-e-ḳhairul-bashar hai zindagi
Leave a Reply