Aziz Warsi
ab vahan chal kar rahen ai dil jahan koi na ho
ham hon aur vo hon hamare darmiyan koi na ho
ishq hai vo ishq rusva.i ho jis ke saath saath
ishq vo kya ishq jis ki dastan koi na ho
main bhi dil valon ki barbadi se vaqif huun magar
meri surat yusuf-e-be-karvan koi na ho
mehrban ho jaa.e ik aalam hamare haal par
aap jaisa dushman-e-dil mehrban koi na ho
aap bhi har shaḳhs ko samjhen agar apna ‘aziz’
aap se bhi be-sabab daman-kashan koi na ho
Leave a Reply