kitne hue hain ḳhuun yahan ik usuul ke
a.enge ab na shahr-e-tamanna men bhuul ke
saari musafirat ki thakan duur ho ga.i
pesh aa.e kitne pyaar se kanTe babul ke
chehre hue jo gard to a.ina ban ga.e
kya turfa mo.ajizat the sahra ki dhuul ke
kitna hasin tha jurm-e-gham-e-dil ki do-jahan
dar pe hain aaj tak mire rang-e-qubul ke
nazan hai zindagi miri ab un ki maut par
jo log rah ga.e tiri bahon men jhuul ke
aane ko thi bas aḳhiri hichki mariz ko
qurban ja.iye tiri shan-e-nuzul ke
ai ‘dil’ ye haal ishq men hoga ḳhabar na thi
pachhta.e ham to rog laga kar fuzul ke
Leave a Reply