surḳh ho jaata hai munh meri nazar ke bojh se
kya banegi zevar-e-gul-ha-e-tar ke bojh se
yuun hue hain ḳhaak ba.ad-e-dafn tere na-tavan
pis ga.e hain chadar-e-gul-ha-e-tar ke bojh se
sharm go kam ho ga.i par nazuki ko kya karen
ab jhuke jaate hain ḳhud apni nazar ke ke bojh se
uf ri teri na-tavani laghari allah re zo.af
ek hi karvaT se huun dagh-e-jigar ke bojh se
hilte hain abru tire bar-e-gul-e-ruḳhsar se
jis tarah shaḳhen lachakti hain samar ke bojh se
dil se aahen chal chuki hain ho gaya mumkin visal
ab labon tak aa nahin saktin asar ke bojh se
yas-o-hasrat se ye bulbul ki giranbari hui
laakh man ka hai qafas ik musht-e-par ke bojh se
jama-e-asli bahut kohna hua hai ai ‘rashid’
chaak ho jaa.e na ashk-e-chashm-e-tar ke bojh se
Leave a Reply