Sun Rakh O Khak Mein Aashiq Ko Milane Wale

sun rakh o khaak men ashiq ko milane vaale

arsh-e-aazam ke ye naale hain bulane vaale

ye sada sunte hain us kuche ke jaane vaale

jaan kar jaan na kho kaun hai aane vaale

chain tujh ko bhi na ho mujh ko satane vaale

tu bhi thanDa na rahe ji ke jalane vaale

kab hain is dil se butan haath uthane vaale

ye vo kafir hain ki masjid ke hain Dhane vaale

jang hi gar tujhe manzur hai phir aankh lada

ye bhi ik jang hai o aankh ladane vaale

ki to ayyar si sazish hai vale ghuncha-dahan

chutkiyon men hain ye joban ke udane vaale

un ke hansne pe na ja un ke hansane se na hans

tere hansne pe jo hanste hain hansane vaale

bin-bulae tire aa kar tujhe bahkate hain

sakht na-khvanda hain ye tujh ko padhane vaale

ashk-e-khunin ki huun main sail men Duuba rahta

ye mera rang hai o paan chabane vaale

yuun gajar subh ka jaldi se baje vasl ki raat

are be-rahm are dil ke satane vaale

guzri jo mujh pe so guzri hai na guzri tujh par

ghadi ghadiyal ki ghadiyal bajane vaale

kyuun na un nalon ko main pa-e-ba-zanjir rakhkhun

ai junun kaun hain ye ghul ke machane vaale

jab kaha main ne ki sun haal kaha taan se ye

tum salamat raho ahval sunane vaale

paanv ko haath lagaya tu laga kahne sarak

tujh ko qurban karun haath lagane vaale

muttala matla-e-‘ehsan’ se tu ho rashk-e-qamar

tujh pe ashiq hue paigham ke laane vaale

Leave a Comment