Sabir Amani
admi-zad ho fitrat ke mutabiq mango
jaao dil khol ke shahvat ke mutabiq mango
is men kis baat ka Darna ki koi dekhega
apni auqat-o-zarurat ke mutabiq mango
is bakheḌe men mayassar ke mutabiq paḌna
ishq halat se fursat ke mutabiq mango
haan ye lazim hai ki raa.ij ka bharam rakkho tum
rab se apnon ki shari.at ke mutabiq mango
itna mango jo tariqe se uTha sakte ho
yaar daman ki suhulat ke mutabiq mango
baat sunta hai savali ka bharam rakhta hai
khul ke darvesh ki shohrat ke mutabiq mango
Leave a Reply