Poet
mahram-e-ishq hain honTon ko siye baiThe hain
shisha-e-dil men ka.i daagh liye baiThe hain
mah-o-anjum pe pahunch kar bhi nahin rukti nazar
ruḳh kisi aur hi manzil ka kiye baiThe hain
ab to kuchh aur hi aalam hai farogh-e-gham se
surat-e-jan tire har gham ko liye baiThe hain
bhulta hi nahin us nargis-e-shahla ka karam
ek mai hai ki shab-o-roz piye baiThe hain
ek hi shakl hai sau rang se dil men abad
ek hi aks ke sau aks liye baiThe hain
jab se chhoḌi hai tamanna-e-sukun ai ‘az.har’
har kaThin raah ko hamvar kiye baiThe hain
Leave a Reply