Azhar Faragh
kami hai kaun si ghar men dikhane lag ga.e hain
charagh aur andhera baḌhane lag ga.e hain
ye e’timad bhi mera diya hua hai tujhe
jo mere mashvare be-kar jaane lag ga.e hain
main itna va.ada-faramosh bhi nahin huun ki aap
mire libas pe girhen lagane lag ga.e hain
vo pahle tanha ḳhazane ke ḳhvab dekhta tha
ab apne haath bhi naqshe purane lag ga.e hain
faza badal ga.i andar se ham parindon ki
jo bol tak nahin sakte the gaane lag ga.e hain
kahin hamara talatum thame to faisla ho
ham apni mauj men kya kya bahane lag ga.e hain
nahin ba.iid ki jangal men shaam paḌ jaa.e
ham ek peḌ ko rasta batane lag ga.e hain
Leave a Reply