ashiq hue hain jab se ham khud se ja rahe hain
be-dard nasehon ne nahaq sata rahe hain
fasl-e-bahar men ham kyun-kar na hon divane
gul chaak kar gareban dhumen macha rahe hain
phir aavne ka vaada tum kar gae ho ham se
pyare tumhari rah par ankhen laga rahe hain
ai abr tu barasta aur hi taraf chala ja
umde hain gham ke badal so ham thama rahe hain
dil khol tuk jo barsen arz o sama dubaven
mizhgan-e-tar ke zalim vo abr chha rahe hain
ye ishq niin hai bar-aks ja dekh le chaman men
aa khush-nayan adam se ankhen dikha rahe hain
Leave a Reply