baja irshad farmaya gaya hai
ki mujh ko yaad farmaya gaya hai
inayat ki hain na-mumkin umiden
karam ijad farmaya gaya hai
hain ab ham aur zad hai hadson ki
hamen azad farmaya gaya hai
zara us ki pur-ahvali to dekhen
jise barbad farmaya gaya hai
nasim-e-sabzgi the ham so ham ko
ghubar-uftad farmaya gaya hai
mubarak fal-e-nek ai khusrav-e-shahr
mujhe farhad farmaya gaya hai
sanad bakhshi hai ishq-e-be-gharaz ki
bahut hi shaad farmaya gaya hai
saliqe ko lab-e-fariyad tere
ada ki daad farmaya gaya hai
kahan ham aur kahan husn-e-sar-e-bam
hamen buniyad farmaya gaya hai
Leave a Reply