Sufi

Bas-Ki Hun Dil-Tang Khush Aata Hai Sahra-e-Qafas

bas-ki huun dil-tang khush aata hai sahra-e-qafas

bulbul-e-be-bal-o-par rakhti hai sauda-e-qafas

palna manzur hai to dast-parvar kar use

tair-e-vahshi mabada dekh mar jaae qafas

dekh ke sayyad ko mahv-e-tamasha ho gai

bulbul-e-tasvir se mat puchh eza-e-qafas

ham-dua ho ham-safiro ta-ijabat ho qarin

rahm kha kar baagh men sayyad phir laae qafas

ham-safir is baagh ke sab qaid tere ho chuke

ishaq mujh ko bhi dikha de tu tamasha-e-qafas

gul ki khatir qaid men rahti hai varna baghban

nala-e-jan-soz se bulbul ke jal jaae qafas

tiliyan ginte hi ginte umr ke dam ho chuke

takht se ud kar na pahunche ishaq bala-e-qafas

More Poems

Leave a Comment