Akram Naqqash
lahu tezab karna chahta hai
badan ik aag dariya chahta hai
mayassar se ziyada chahta hai
samundar jaise dariya chahta hai
ise bhi saans lene de ki har-dam
badan bahar nikalna chahta hai
mujhe bilkul ye andaza nahin tha
vo ab rasta badalna chahta hai
na.i zanjir phaila.e hai banhen
koi azad hona chahta hai
ruten badlin na.e phal-phul aa.e
magar dil sab purana chahta hai
sukun kahiye jise hai raste men
do ik pal hi men aaya chahta hai
hava bhi chahiye aur raushni bhi
har ik hujra daricha chahta hai
bagulon se bhara hai dasht saara
yahi to roz sahra chahta hai
Leave a Reply