zamane bhar men rusva.i hui hai
bahut apni pazira.i hui hai
bhulava jis ka ham ko de rahe ho
vo jannat apni Thukra.i hui hai
kahega kaun is ko muskurahaT
jo ruḳh par tu ne chipka.i hui hai
nikalo bhiiḌ se mujh ko nikalo
vabal-e-jan ye tanha.i hui hai
ḳhudaya puchh to un rahbaron se
ye ḳhilqat kis ki bahka.i hui hai
sadaqat jiit ja.egi ye maana
abhi to us ki paspa.i hui hai
kisi ko dekhne ki uf ye ḳhvahish
kisi ki aankh pathra.i hui hai
Leave a Reply