Sufi

Kuchh Hai Khabar Farishton Ke Jalte Hain Par Kahan

kuchh hai khabar farishton ke jalte hain par kahan

jaati hai be-adab nigah-e-parda-dar kahan

ye sham-o-anjuman ye mai-o-jam ye bahar

mehman raat bhar ke hain vaqt-e-sahar kahan

nazzara-e-jamal hai go jan-e-zindagi

varafta-e-jamal ko fursat magar kahan

dil arsh-gah-e-husn hai dil jalva-gah-e-naz

ye aap hi ka ghar hai hamari guzar kahan

hai vaqt-e-naza aur gham-e-ishq duur duur

jaata hai saath chhod ke ye ham-safar kahan

is be-khudi-e-shauq men ‘abrar’ kis ko hosh

manzil kahan hai main huun kahan rahbar kahan

More Poems

Leave a Comment