Barf-Zar-E-Jaan Ki Tah Mein Kholte Pani Ka Hai

Poet

barf-zar-e-jan ki tah men kholte paani ka hai

jo bhi qissa hai lahu ki sho.ala-samani ka hai

asman se raushni utri bhi dhundla bhi chuki

naam raushan hai to bas zulmat ki tabani ka hai

regzar-e-lab ki har su ug rahi hai tishnagi

aankh men manzar uchhalte-kudte paani ka hai

be-sabab hargiz nahin dast-e-karam kam kam idhar

us ko andaza hamari tang-damani ka hai

shahr ho ya ho bayaban ghar ho ya koi khanDar

silsila charon taraf ghul-e-bayabani ka hai

moḌ par pahunche to dekhoge ki har manzil hai sahl

bas yahi ik rasta hai jo pareshani ka hai